سپریم کورٹ اچ عام انتخابات انعقاد کیس سماعت سانڳے مقرر، چیف جسٹس قاضی فائز عیسیٰ دی سربراہی اچ ترائے رکنی بنچ 23 اکتوبر کوں سماعت کریسی

اسلام آباد۔20اکتوبر  (اے پی پی):سپریم کورٹ اچ 90 ݙینھ اچ عام انتخابات کراوݨ متعلق کیس دی سماعت  23 اکتوبر 2023  کوں تھیسی ۔ چیف جسٹس دی سربراہی اچ ترائے رکنی کمیٹی کیس دی سماعت دا فیصلہ کیتے۔ عدالت عظمی دی طرفوں جاری کاز لسٹ موجب چیف جسٹس قاضی فائز عیسیٰ دی سربراہی اچ سپریم کورٹ دا ترائے رکنی بینچ ملک اچ عام انتخابات کراوݨ متعلق کیس دی سماعت کریسی۔ کاز لسٹ موجب جسٹس امین الدین خان اتے جسٹس اطہر من اللہ بینچ اچ شامل ہن۔ کیس دے فریقین کوں عدالت دی طرفوں نوٹسز وی جاری کرݙتے ڳئن ۔ واضح رہے جو ملک اچ 90 ݙینھ اچ عام انتخابات کراوݨ سانڳے سپریم کورٹ بار ایسوسی ایشن اتے پی ٹی آئی سودھے ٻئی درخواست گزاراں درخواستاں دائر کر رکھیاں ہن ۔