نگران وزیراعلیٰ دی گوجرانوالہ موٹروے لنک مکمل کرݨ کیتے 25 دسمبر دی ڈیڈ لائن

لاہور۔22اکتوبر(اے پی پی) نگران وزیراعلیٰ پنجاب محسن نقوی 25 دسمبر تئیں گوجرانوالہ موٹروے لنک روڈ کوں ٹریفک کیتے کھولݨ دی ڈیڈ لائن ݙتی اے۔ اے ڳالھ انہاں گوجرانوالہ دے دورے ویلھے لاہور، سیالکوٹ موٹروے نال گوجرانوالہ کوں ملاوݨ آلی زیر تعمیر ݙو رویہ سڑک دا معائنہ کرݨ ویلھے آکھی۔ انہاں تعمیراتی سرگرمیاں کوں تیکھا کرݨ اتے ݙو رویہ سڑک تیکھے مکمل کرݨ کیتے ایف ڈبلیو او حکام کوں ہدایات ݙتن۔ انہاں 15.2 کلومیٹر بے نظیر چوک تا واہنڈو روٹ دا فضائی معائنہ وی کیتے۔ بعد اچ نگران وزیراعلیٰ محسن نقوی ایف ڈبلیو او دے کیمپ آفس اچ اجلاس دی اڳواݨی کیتی اتے منصوبہ تے بریفنگ ڳھدی۔