کفر کٹھا تھی چکیے ٻھل اساں کݙاں ہک امت ٻݨسوں؟ وفاقی وزیر مذہبی امور دا “اتحاد امت اتے مسئلہ فلسطین” کانفرنس نال خطاب

اسلام آباد۔22اکتوبر(اے پی پی)نگراں وفاقی وزیر مذہبی امور انیق احمد  آکھیے جو کفر تاں ڄڳ اچ کٹھا تھی چکیت پتا نئیں اساں کݙاں ہک امت ٻݨسوں۔ اے ڳالھ انہاں جماعت اہل حرم ولوں “اتحاد امت اتے مسئلہ فلسطین” کانفرنس نال خطاب اچ آکھی۔ انہاں آکھیا قرآن دے مطابق اہل ایمان ہی غالب تھیسن شرط اے جو او مومن ہوون، قرآن دی ڳالھ پتھر تے لکیر اے، جیڑھے لوک اللہ دی زمین تے ایندا نظام قائم نئیں کریندے او ظالم، فاسق اتے کافر ہین۔ انہاں افسوس کیتے جو فلسطینیاں نال یکجہتی کیتے مسلم دنیا توں کوئی رہنماء فلسطین نئیں پڄیا ٻھل امریکی و برطانوی سربراہواں اسرائیل پڄ تے انہاں اپݨی مکمل حمایت ݙتی اے، اڄ مسلماناں دی مومنانہ غیرت کتھاں ڳئی اے؟ نگراں وفاقی وزیر مطالبہ کیتے جو مسلمان ممالک اسرائیل دی کمرشل پروازاں کوں اپݨی فضائی حدود ݙیوݨ بند کرن، اسلامی تعاون تنظیم صرف مذمتی قرارداداں دی بجائے ہک مشترکہ لائحہ عمل ݙیوے۔ ایں توں پہلے مفتی گلزار احمد نعیمی، مولانا ڈاکٹر شیر محمد سیالوی، مولانا کاشف گلزار نعیمی،  محترمہ عائشہ سید، محترمہ زبیدہ خاتون، پیر سید سعادت علی شاہ، علامہ شبیر میثمی وی خطاب کیتے۔