اسلام آباد۔24اکتوبر (اے پی پی) سپیکر قومی اسمبلی راجہ پرویز اشرف دی پاکستان دے غوری ویپن سسٹم دے کامیاب تجربے تے مبارخ ݙتی اے۔ قومی اسمبلی سیکرٹریٹ توں جاری بیان موجب سپیکر قومی اسمبلی آکھیا جو غوری ویپن سسٹم دے کامیاب تجربے نال ملک دی دفاعی صلاحیت ٻئی مضبوط تھیسی۔ پوری قوم کوں آپݨے باصلاحیت سائنسداناں اتے انجینئرز تے فخر اے۔ غوری وپین سسٹم دا کامیاب تجربہ پاک فوج، سائنسداناں اتے انجینئرز دی محنت اتے لگن پاروں اے۔ سپیکر قومی اسمبلی پاک فوج دی ٻئی کامیابیاں کیتے آپݨی نیک خواہشات دا اظہار کیتا۔
