سینیٹ دا اجلاس 27 اکتوبر سݙ ڳھدا ڳئے، فلسطین دی صورتحال تے بحث کیتی ویسی

اسلام آباد۔24اکتوبر(اے پی پی):چیئرمین سینیٹ محمد صادق سنجرانی آئین دے آرٹیکل 54 دی شق 3 دے تحت سینیٹ دا اجلاس جمعہ 27 اکتوبر دی صویل ساݙھے 10 وڄے پارلیمنٹ ہاؤس اسلام آباد اچ سݙ ڳھدے جیندے اچ فلسطین دی صورتحال تے بحث کیتی ویسی۔ سینٹ سیکرٹریٹ دے مطابق قائد ایوان سینیٹر اسحاق ڈار اتے بی اے پی دے پارلیمانی لیڈر سینیٹر منظور کاکڑ وی چیئرمین سینیٹ کوں خط لکھ تے فلسطین دی صورتحال تے بحث اتے قرار داد سانڳے اجلاس سفݨ دی درخواست کیتی ہئی۔ قائد حزب اختلاف سینیٹر ڈاکٹر شہزاد وسیم اتے سینیٹ اچ ساریاں ٻیاں سیاسی جماعتاں وی سینیٹ اجلاس سݙݨ دی حمایت کیتی اے۔ اجلاس دا مقصد فلسطینی عوام نال یکجہتی اتے اسرائیلی قابض افواج دے مظالم ی مذمت کرݨ اے۔