تریمتاں دا معاشی سرگرمیاں اچ حصہ گھنݨ نال معاشی معاملات اچ مزید بہتری آسی ،صدر مملکت  دا گرلز گائیڈ ایسوسی ایشن ہیڈ کواررٹر اچ خطاب

اسلام آباد۔25اکتوبر  (اے پی پی):صدر مملکت ڈاکٹر عارف علوی پی ڈی ایم ایز ،ریسکیو اداریں ، گرلز گائیڈز اتے بوائز سکائوٹس تے زور ݙتے او ملک دیاں یونیورسٹیاں، کالجز اتے سکولاں اچ زیرتعلیم سارے طالبیں کوں کارڈیک  پلمونری ریسسی ٹیشن (سی پی آر)اتے ابتدائی طبی امداد دی تربیت یقینی بݨاون تاں جو کہیں وی ناگہانی اتے حادثاتی صورتحال اچ قیمتی جاناں کوں بچایا ونڄ سڳے ، تریمتاں دا معاشی سرگرمیوں اچ حصہ گھنݨ نال معاشی معاملات اچ مزید بہتری آسی ، معاشرے اتے ریاست دی ذمہ واری اے جو تریمتاں عملی زندگی اچ ہراسیت  توں محفوظ بݨاوے ۔او ٻدھ کوں گرلز گائیڈ ایسوسی ایشن ہیڈ کواررٹر اچ 12 ویں آل پاکستان کیمپ دی چھیکڑی تقریب توں خطاب کریندے پئے ہن ۔ کیمپ اچ شریک ٻالڑیاں ملی نغمہ اتے تربیتی عمل تے محیط ٹبیلو وی پیش کیتا ۔ تقریب توں خطاب کریندے ہوئیں صدر مملکت ڈاکٹر عارف علوی آکھیے میں کیتے ٻہوں مسرت  دی ڳالھ اے جو میں گرلز گائیڈ توں مخاطب ہاں ۔ دور طالبعلمی اچ وی بوائز سکائوٹس دا حصہ رہیاں ایندے اچ اوکھی صورتحال نال نبݨݨ ، کمپنگ ،ڳھنڈ ݙیوݨ ، رل مل تے رہݨ سودھے ٻئی بنیادی چیزاں ،پی سی آر تے ابتدائی طبی امداد سکھئن تے آپݨی عملی زندگی اچ ایندا استعمال وی کیتے ۔ انہاں آکھیے کہیں ایجھی جاہ تے جݙاں ساہ گھنݨ اچ دشواری ہووے یا ہارٹ اٹیک دی صورتحال ہووے اں اوں ویلھے وختی طور تے جان بچاوݨ کیتے کارڈیک  پلمونری ریسسی ٹیشن (سی پی آر)ہی واحد حل ہوندے ،سارے امدادی اداریں دی ذمہ واری اے جو او ایں عمل تے ابتدائی طبی امداد دی تربیت ݙیون ے اے سکھݨ دے بعد اڳوں لوکاں کوں ایندی تربیت ݙیوݨی چاہیدی اے ، جݙاں معاشرہ زندگی بچاوݨ کیتے تیار تھی ویندے تاں ول اوہو معاشرہ ترقی دیاں منزلاں وی پار کریندے ۔