الیکشن کمیشن آف پاکستان استحکام پاکستان پارٹی کوں انتخابی نشان’’ شاہین ‘‘الاٹ کرݙتا

اسلام آباد۔26اکتوبر(اے پی پی) الیکشن کمیشن آف پاکستان استحکام پاکستان پارٹی کوں انتخابی نشان ’’شاہین ‘‘الاٹ کرݙتے ۔ استحکام پاکستان پارٹی دی طرفوں انتخابی نشان الاٹ کرݨ متعلق درخواست دی چیف الیکشن کمشنر سکندر سلطان راجہ دی سربراہی اچ   ممبرز الیکشن کمیشن نثار احمد درانی اتے جسٹس (ر) اکرام اللہ خان تے مشتمل بینچ فیصلہ سݨائے ۔فیصلے اچ آکھیا ڳئے جو استحکام پاکستان پارٹی شاہین ،بلا اتے چیڑی دا نشان الاٹ کرݨ دی درخواست کیتی ہئی تاں جو دستیاب ریکارڈ توں پتہ لڳے جو چیڑی پاکستان مسلم پارٹی اتے بلاپاکستان تحریک انصاف کوں پہلے ہی الاٹ شدہ ہن ، ایویں پاکستان تحریک انصاف دی طرفوں انٹرا پارٹی الیکشن دی تفصیل جمع نہ کراوݨ دی وجہ توں انتخابی نشان دی الاٹمنٹ دا معاملہ زیر سماعت اےجیں دی وجہ توں استحکام پاکستان پارٹی کوں اے ݙوہیں نشان الاٹ نی کیتے ونڄ سڳسے تے شاہین دا نشان الاٹ کیتا ویندے ۔