سرحدی علاقیاں اچ خصوصی سرمایہ کاری زونز، صنعتاں لاوݨ کیتے جامع منصوبہ بندی کیتی ونڄے، نگران وزیرا عظم انوارالحق کاکڑ

اسلام آباد۔8جنوری(اے پی پی):نگران وزیرِ اعظم انوار الحق کاکڑ وزارتِ تجارت و صنعت کوں آکھیے جو سرحدی علاقیاں اچ خصوصی سرمایہ کاری زونز، صنعتاں لاوݨ کیتے جامع منصوبہ بندی کیتی ونڄے۔ اے ڳالھ انہان اسلام آباد اچ اپݨی اڳواݨی اچ تھیوݨ آلے افغان ٹرانزٹ ٹریڈ معاہدے سانڳے تجارت و سرحدی اضلاع اچ سمگلنگ روکݨ کیتے جائزہ اجلاس اچ کیتی۔ اجلاس اچ نگران وفاقی وزیرِ خزانہ ڈاکٹر شمشاد اختر، بلوچستان و خیبر پختونخوا دے چیف سیکرٹریز، فرنٹیئر کور دے متعلقہ آئی جیز، وفاقی سیکرٹریز اتے متعلقہ اعلیٰ حکام  موجود ہن۔ اجلاس اچ افغان ٹرانزٹ ٹریڈ، سمگلنگ روکݨ بارے رپورٹ دا ݙسایا ڳیا۔ اجلاس اچ پاکستان کسٹمز، ایف سی، ضلعی انتظامیہ اتے این ایل سی دی سرحدی علاقیاں اچ کارکردگی دا وی جائزہ ݙتا ڳیا۔ وزیرِ اعظم آندے اجلاس اچ سمگلنگ روکݨ کیتے اقدمات ٻئے تیکھے کرݨ دی رپورٹ منڳدے آکھیا جو چیف سیکرٹری بلوچستان سرحدی علاقیان دے لوکاں دی تفصیلات ڳھن تے انہاں کوں ہنرمند ٻݨاوݨ، روزگار ݙیوݨ کیتے جامع حکمت عملی پیش کرن، سمگلنگ بالکل روکݨ کیتے سارے ادارے خاص کر فرنٹیئر کور، کسٹمز اتے ضلعی انتظامیہ تیھکے اقدامات کرن جو ایندے نال ملک و قوم ݙوہیں دا فیدہ جڑیا ہوئے، حکومت سمگلنگ روکݨ تئیں کارروائیاں جاری رکھیسی، این ایل سی چمن بارڈر تے سکیننگ و چیکنگ منصوبے کوں تیکھے مکمل کرے، پاکستان کسٹمز سرحدی علاقیاں اچ اپݨی استعداد ودھاوے، سرحدی اضلاع اچ چنڳے افسران لائے ونڄن، پوسٹنگ ٹرانسفر دا نظام شفاف ٻݨایا ونڄے، انہاں تجارتی کارگو دی مانیٹرنگ کیتے ایف بی آر دا ٹریک اینڈ ٹریس سسٹم فعال کرݨ دی وی ہدایت کیتی۔