اسلام آباد۔18جنوری(اے پی پی)نگران وفاقی وزیرخزانہ، محصولات و اقتصادی امور ڈاکٹر شمشاد اختر آکھیے جو آمدنی و اخراجات دی وتھی مکاوݨ کیتے حکومت دے مالیاتی طریقہ کار اچ جامع تبدیلی ضروری اے۔ اے ڳالھ انہاں نیشنل یونیورسٹی آف سائنس اینڈٹیکنالوجی (نسٹ) اچ ”پاکستان دے اقتصادی چیلنجز“ بارے خطاب اچ آکھی۔ وزیرخزانہ آکھیا جو جرات مندانہ اصلاحات نال ملک اچ ترقی و خوشحالی دے نویں دور دی شروعات تھیسی، اصلاحات دے موثر نفاذ دا انحصار اہم بنیادی ادارہ جاتی، گورننس و ساختی رکاوٹاں مکاوݨ تے ہے۔ وزیرخزانہ آکھیے جو غیر پائیدار مالیاتی پالیسی پاروں آمدنی و غیر پیداواری اخراجات اچ خلیج، مالیاتی عدم استحکام پاروں سرکاری قرض ودھݨ، موسمیاتی تبدیلیاں، معیشت دے ڈھانچے اچ جدت، تنوع دی کمی اتے ملکی معیشت کوں بیرون ممالک توں مربوط کرݨ اچ ناکامی او پنڄ بنیادی عوامل ہین جیندے نال ملکی معیشت اندرونی و بیرونی جھٹکیاں وات رہی اے، گلوبل وارمنگ ماڈل دی پیش گوئی دے مطابق پاکستان اچ آندے سالاں اچ غیرمعمولی موسمیاتی واقعات ودھ سڳدن۔
