نگران وزیر مذہبی امور انیق احمد نال سعودی سفیر دی ملاقات

اسلام آباد۔16فروری(اے پی پی):نگران وزیر مذہبی امور انیق احمد پاکستانی حجاج کوں بہترین سہولتاں ݙیوݨ تے سعودی حکام دا شکریہ ادا کیتے۔ او اسلام آباد اچ سعودی سفیر نواف سعید المالکی نال ملݨ ویلھے الیندے پئے ہن۔ انہاں ملاقات اچ، حج 2024 دے انتظامات کوں چھیکڑی شکل ݙیوݨ دے معاملیاں تے ڳالھ مہاڑ کیتی۔ وزیر مذہبی امور انیق احمد آکھیا جو حج انتظامات ویلھے تے مکمل کیتے ویسن، ایں سانڳے وزارتِ مذہبی امور اتے پاکستان حج مشن سعودی اداریاں نال رابطے اچ ہین، پرائیویٹ حج سکیم تے حج کرم آلیاں کوں ودھ سوکھ ݙتا ویسی، ایںس انڳے 146 منظم حج کمپنیاں ٻݨایاں ڳن جیندے کوائف وزارت دی ویب سائیٹ تے موجود ہین، عازمینِ حج دی بکنگ شروع اے۔