نائب وزیراعظم اسحاق ڈار دا مصری وزیرِ خارجہ ڈاکٹر بدر عبدالعاطی نال ٹیلیفونک رابطہ، سعودی عرب دی خودمختاری، علاقائی سالمیت تے سلامتی کیتے مکمل یکجہتی تے حمایت دا اعادہ

اسلام آباد۔18 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار مصر دے وزیرِ خارجہ ڈاکٹر بدر عبدالعاطی نال ٹیلیفون تے ڳالھ مہاڑ کیتی۔ اتوار کوں ترجمان دفترِ خارجہ دے جاری بیان دے مطابق ݙوہیں وزرائے خارجہ خطے دی تازہ ترین صورتحال تے ڳالھ کیتی ۔ ݙوہیں رہنماواں سعودی عرب تے حوثی حملیاں دی شدید مذمت کریندے ہوئیں مملکتِ سعودی عرب دی خودمختاری، علاقائی سالمیت تے سلامتی کیتے مکمل یکجہتی تے حمایت دا اعادہ کیتا۔ ݙوہہیں وزرائے خارجہ پاکستان، مصر، ترکیہ تے سعودی عرب تے مشتمل آر فور (R-4) فریم ورک دے تحت تعاون تے وی ڳالھ کیتی اتے آپسی تعلقات کوں ٻیا مضبوط بݨاوݨ تے علاقائی معاملیاں تے رابطہ و ہم آہنگی ودھاوݨ کیتے آر فور دا آئندہ اجلاس جلدی کراوݨ دی امید ظاہر کیتی۔