محسن نقوی دا کمشنر راولپنڈی دے الزامات دا نوٹس، غیرجانبدارانہ تحقیقات دا حکم

لاہور۔17فروری(اے پی پی)نگراں وزیر اعلیٰ پنجاب محسن نقوی کمشنر راولپنڈی دے الزامات دی غیر جانبدارانہ تحقیقات دا حکم ݙیندے اعلیٰ سطح کمیٹی ٻݨاوݨ دی ہدایت کیتی اے۔ انہاں آکھیا جو کمشنر راولپنڈی دے الزامات دے اصل حقائق سامݨے ڳھن آئے ویسن۔ ایں توں پہلے کمشنر راولپنڈی لیاقت علی چٹھہ عام انتخابات اچ مبینہ بے ضابطگیاں کوں منیندے ہوئے عہدے توں استعفیٰ ݙے ݙتے اتے آکھیے جو ہریے ہوئے امیدواراں کوں راولپنڈی ڈویژن اچ 70، 70 ہزار دی لیڈ توں جتوا تے قوم نال وݙی زیادتی کیتی اے، ایں کم اچ ملوث الیکشن کمیشن، چیف الیکشن کمشنر اتے چیف جسٹس پاکستان کوں وی استعفیٰ ݙیوݨا چاہیدے۔