پنجاب دے ٻہوں سارے شہراں اچ موسم ٹھڈا ،لاہورسودھے ٻہوں سارے علاقیں اچ کھمݨ نال مینھ وسݨ دا امکان ،محکمہ موسمیات

لاہور۔19فروری  (اے پی پی):محکمہ موسمیات پیش گوئی کیتی اے جو آندے چووی گھنٹے  پنجاب دے ٻہوں سارے علاقیں اچ موسم ٹھڈا رہݨ جݙاں جو منڈی بہاوالدین، میانوالی، خوشاب، سرگودھا، گجرات، گوجرانوالہ، حافظ آباد، فیصل آباد، ٹوبہ ٹیک سنگھ، جھنگ، سیالکوٹ، نارووال، لاہور ،قصور، ملتان، بھکر، کوٹ ادو، لیہ، راجن پور اتے ڈیرہ غازی خان اچ اندھاری گھلݨ اتے کھمݨ نال  وقفے وقفے نال مینھ وسݨ دا امکان اے ۔ایں دوران کجھ جہیں تے ژالہ باری  وی متوقع اے۔گزریل ݙینھ لکشمی اتے اپر مال تے0.5  جݙاں جو پاݨی آلا تالاب اچ 01 ملی میٹر مینھ ریکارڈ کیتا ڳئے،ایویں پنجاب دے ٻئے شہراں سیالکوٹ (سٹی، ایئر پورٹ 05)، منڈی بہاوالدین 05، گجرات 04، گوجرانوالہ 03، حافظ آباد 02، فیصل آباد،جوہر آباد اتے شیخوپورہ اچ 01  ملی میٹر ،مینھ ریکارڈ کیتا ڳئے ۔ترجمان موجب لاہوراچ گھٹ توں گھٹ درجہ حرارت 12جݙاں جو ودھ توں ودھ 23 ڈگری سینٹی گریڈ  ریکارڈ کیتا ڳئے ،ہوا اچ نمی دا تناسب 53 فیصد رہیا،لا ہوراچ آلودگی دی مجموعی شرح 166رہی،ایویں شہردے ٻئے علاقیں پو لو گراونڈ اچ 178،فیز8 ڈی ایچ اے 179،فدا حسین ہاؤس 166،فیز8 ایوی گرین 181،سی سی آر پی 173،ذکی فارمز 178 اتے پاکستان انجینئرنگ سروسز اچ 170ایئر کوالٹی انڈیکس ریکارڈ کیتا ڳئے۔