سرکاری ملازمین کوں دٻاؤ اچ گھن آوݨ تے بلیک میل کرݨ دے ہتھکنڈے آئین اتے قانون دی خلاف ورزی ہن ، ریاست آئینی فرائض دی انجام دہی اچ سرکاری ملازمین دا دفاع کریسی ، نگران وزیراعظم انوار الحق کاکڑ

اسلام آباد۔19فروری(اے پی پی):نگران وزیراعظم انوار الحق کاکڑ آکھیے جو پاکستان دے عوام 8 فروری کوں حق رائے دہی استعمال کریندے ہوئیں منقسم مینڈیٹ ݙتے ، پرتشدد رویں دا ریکارڈ رکھݨ آلے کجھ عناصر سرکاری ملازمین کوں بلیک میل کرݨ تے ریاست پاکستان نال انہاں دی وفاداری ہٹاوݨ سانڳے انہاں تے دٻاؤ پاوݨ سانڳے سوشل میڈیا کوں ہتھیار دے طور تے استعمال کرݨ سودھے مختلف حربے استعمال کریندے پئن ، ریاست پاکستان اپݨے آئینی فرائض دی انجام دہی اچ سرکاری ملازمین دا دفاع کریسی تے انہاں تے پرتشدد ٹرولز دے خلاف کارروائی کریسی تے انہاں کوں مثالی سزا ݙویسی ۔ وزیراعظم میڈیا آفس توں جاری بیان اچ وزیراعظم آکھیے جو پاکستان دے عوام 8 فروری کوں واضح طور تے حق رائے دہی استعمال کریندے ہوئیں منقسم مینڈیٹ ݙتے۔ وزیراعظم آکھیے پرتشدد رویے دا ثابت شدہ ریکارڈ رکھݨ آلے کجھ عناصر سوشل میڈیا کوں بلیک میلنگ کیتے ہتھیار دے طور تے اپناوݨ سودھے ہݨ مختلف  ہتھکنڈے استعمال کریندے پئن تے سرکاری ملازمین دی وفاداریاں ریاست پاکستان توں ہٹا تے پرتشدد گینگ آلے پاسے کرݨ سانڳے دٻاؤ دے حربے استعمال کریندے پئن ۔ وزیراعظم آکھیے اے ہتھکنڈے آرٹیکل 5 سودھے آئین دے ٻئے آرٹیکلز اتے ملکی قوانین دی صریحا خلاف ورزی ہن۔ وزیراعظم آکھیے ریاست پاکستان اپݨی آئینی ذمہ واریاں انجام ݙیوݨ سانڳے سرکاری ملازمین دا دفاع ۔وزیراعظم آکھیے جو پاکستان دے عوام اتے ریاست دی خدمت کرݨ آلے انہاں عظیم سرکاری ملازمین دے دفاع سانڳے ساݙے عزم اچ کوئی شک و شبہ نی ہووݨا چاہیدا ۔