واشنگٹن۔21فروری(اے پی پی) امریکا اچ پاکستان دے سفیر مسعود خان پاکستان اتے امریکا وچال تعاون ودھاوݨ تے جھیڑا کشمیر دے حل دی لوڑھ تے زور ݙیندے ہوئیں آکھیے جو ݙوہیں ملکاں کوں سانجھے طور تے فیدہ مند تعاون کوں با مقصد بݨاوݨ سانڳے مصروف رہݨ تے تعاون کوں وسیع کرݨا چاہیدے۔ منڳل کوں جاری بیان موجب پاکستان دے سفیر اے ڳالھ واشنگٹن اچ سنٹر فار سٹریٹیجک اینڈ انٹرنیشنل سٹڈیز …
پاک امریکا تعاون ودھاوݨ تے جھیڑا کشمیرکوں حل کرݨ دی لوڑھ اے ، مسعود خان دا امریکی تھنک ٹینک توں خطاب
واشنگٹن۔21فروری(اے پی پی) امریکا اچ پاکستان دے سفیر مسعود خان پاکستان اتے امریکا وچال تعاون ودھاوݨ تے جھیڑا کشمیر دے حل دی لوڑھ تے زور ݙیندے ہوئیں آکھیے جو ݙوہیں ملکاں کوں سانجھے طور تے فیدہ مند تعاون کوں با مقصد بݨاوݨ سانڳے مصروف رہݨ تے تعاون کوں وسیع کرݨا چاہیدے۔ منڳل کوں جاری بیان موجب پاکستان دے سفیر اے ڳالھ واشنگٹن اچ سنٹر فار سٹریٹیجک اینڈ انٹرنیشنل سٹڈیز اچ ”پاکستان اتے امریکا دے تعلقات دا مستقبل“ دے موضوع تے خطاب کریندے ہوئیں آکھی اے ۔ تقریب دی میزبانی سی ایس آئی ایس دے سینئر نائب صدر ڈینیل رونڈے کیتی جݙاں جو تقریب اچ تھنک ٹینکس، سابق سفیراں تے ٻئی شخصیات وݙی تعداد اچ شرکت کیتی ۔ پاکستانی سفیر آکھیے امریکا تے پاکستان دے تزویراتی مفاد وچ اے جو ݙوہیں ملک ھک ݙوجھے نال مفید تعاون جاری رکھن مسعود خان آکھیے موجودہ چیلنجزدے باوجود پاکستان دا مستقبل روشن ہوسی تے او سیاسی استحکام اتے معاشی ترقی حاصل کریسی۔
