اسلام آباد۔22فروری(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو پاکستان ھک پرامن ملک اے جتھاں قانون دی حکمرانی اے، ملک اچ لاقانونیت تے انارکی کھنڈاوݨ نہ ݙتی ویسی ، کجھ لوک سوشل میڈیا پلیٹ فارمز کوں تشدد تے اکساوݨ سانڳے استعمال کریندے پئن ، پاکستان کہیں وی صورت ایں ڳالھ دی اجازت نہ ݙیسی جو سوشل میڈیا پلیٹ فارمز پاکستان اچ بے بنیاد، …
ملک اچ لاقانونیت اتے انارکی کھنڈاوݨ نہ ݙیسوں، سوشل میڈیا تےغیر قانونی سرگرمیاں دے خلاف حکومت پاکستان سخت اقدامات کریسی، وفاقی وزیر اطلاعات مرتضیٰ سولنگی دی پریس کانفرنس
اسلام آباد۔22فروری(اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو پاکستان ھک پرامن ملک اے جتھاں قانون دی حکمرانی اے، ملک اچ لاقانونیت تے انارکی کھنڈاوݨ نہ ݙتی ویسی ، کجھ لوک سوشل میڈیا پلیٹ فارمز کوں تشدد تے اکساوݨ سانڳے استعمال کریندے پئن ، پاکستان کہیں وی صورت ایں ڳالھ دی اجازت نہ ݙیسی جو سوشل میڈیا پلیٹ فارمز پاکستان اچ بے بنیاد، کوڑا تے من گھڑت پروپیگنڈا کھنڈاون، انھاں پلیٹ فارمز دی طرفو ایں عمل کوں نہ روکیا ڳیا تاں ریاست کوں سخت اقدامات چاوݨے پوسن ۔ وزیراعظم دے نمائندہ خصوصی مذہبی ہم آہنگی حافظ طاہر محمود اشرفی دے رلے پریس کانفرنس توں خطاب کریندے ہوئیں نگران وفاقی وزیر اطلاعات آکھیے جو آئین دے آرٹیکل 19 دے تحت اظہار رائے دی آزادی لا محدود کائنی بلکہ قانون دے تابع ہے، ایندے تحت عدلیہ، مسلح افواج اتے بھرا ملکاں دے خلاف تضحیک آمیز ڳالھ مہاڑ دی اجازت کائنی ۔ انہاں آکھیے جو کجھ لوک سوشل میڈیا پلیٹ فارمز کوں تشدد تے اکساوݨ سانڳے استعمال کریندے پئن جیڑھے جو خلاف قانون سرگرمی اے، حکومت ایجھی غیر قانونی سرگرمیاں دے خلاف قانون دے مطابق سخت کارروائی کریسی ۔
