نگران وزیراعظم انوارالحق کاکڑ دا نگران کابینہ ،وزیر اعظم آفس اتے ہاؤس دے سارے افسراں تے سٹاف دے تعاون تے اظہار تشکر

اسلام آباد۔22فروری(اے پی پی):نگران وزیر اعظم انوارالحق کاکڑ نگران کابینہ اتے وزیراعظم آفس اتے ہاؤس دے سارے افسراں تے سٹاف دے تعاون دے شکریہ ادا کریندے ہوئیں آکھیے جو میں سانڳے پاکستان ہی سب کجھ اے ،اساکوں آپݨے گھر پاکستان کوں خوشحال اتے مستحکم بݨاوݨاں اے ،پاکستان دے عوام اچ ٻہوں صلاحیت اے۔ نگران وفاقی کابینہ دے اجلاس اچ ڳالھ کریندے ہوئیں نگران وزیر اعظم انوارالحق کاکڑ وفاقی کابینہ اتے سٹاف دی بھرپور معاونت دی تعریف کیتی ۔ انہاں نگران کابینہ دے سارے ساتھیاں سانڳے نیک خواہشات دا اظہار کریندے ہوئیں آکھیےجو وزیر اعظم آفس اتے ہاؤس دے سارے افسراں تے سٹاف دے تعاون تے شکر گزار ہن۔پرنسپل سیکرٹری،ڈی ایم ایس اتے ٻئے معاون سٹاف دی خدمات لائق تحسین ہن۔وزیر اعظم آفس اتے وزارتاں وچال نیڑے ہم آہنگی اچ پرنسپل سیکرٹری دا کرداررہم رہیے۔کابینہ سیکرٹری جیں انداز اچ ذمہ واریاں انڄام ݙتن انہاں تے او خراج تحسین دے مستحق ہن،ملٹری سیکرٹری بہترین پیشہ وارانہ انداز اچ آپݨی ذمہ واریاں نبھاون۔انہاں آکھیے کابینہ سیکرٹری اتے ٻئے قابل بیوروکریٹس دی موجودگی اساں کیتے باعث فخر اے۔انہاں آکھیے میں خوش قسمت ہاں جیں کوں ملک دی خدمت دا موقع ملیے میکوں پاکستان نال محبت اے ۔ انہاں آکھیے اساں پاکستان کوں اقوام عالم اچ چنڳاں مقام ݙیواوݨ اے ۔ پاکستان بابا بلھے شاہ ،شاہ لطیف ،خوشحال خان دی دھرتی اے،پاکستان مختلف تہذیباں اتے ثقافتاں دا مرکز اے جیں دی آپݨی وکھری شناخت اے ۔