لاہور۔23فروری (اے پی پی):پنجاب اسمبلی اچ سپیکر اتے ڈپٹی سپیکر سانڳے خفیہ رائے شماری کل تھیسی۔ مسلم لیگ( ن) دے ملک محمد احمد خان اتے سنی اتحاد کونسل دے امیدوار احمد خان بھچر اچ مقابلہ تھیسی ۔اجلاس اچ سپیکر پنجاب اسمبلی سبطین خان اسپیکر اتے ڈپٹی اسپیکر دے انتخاب متعلق شیڈول جاری کرݙتے جیں موجب انتخاب کل ہفتے کوں 4 وڄے خفیہ رائے شماری نال تھیسی ۔سیکرٹری پنجاب اسمبلی …
پنجاب اسمبلی اچ سپیکر اتے ڈپٹی سپیکر سانڳے خفیہ رائے شماری( کل) تھیسی
لاہور۔23فروری (اے پی پی):پنجاب اسمبلی اچ سپیکر اتے ڈپٹی سپیکر سانڳے خفیہ رائے شماری کل تھیسی۔ مسلم لیگ( ن) دے ملک محمد احمد خان اتے سنی اتحاد کونسل دے امیدوار احمد خان بھچر اچ مقابلہ تھیسی ۔اجلاس اچ سپیکر پنجاب اسمبلی سبطین خان اسپیکر اتے ڈپٹی اسپیکر دے انتخاب متعلق شیڈول جاری کرݙتے جیں موجب انتخاب کل ہفتے کوں 4 وڄے خفیہ رائے شماری نال تھیسی ۔سیکرٹری پنجاب اسمبلی چوہدری عامر حبیب ݙسایا جو پولنگ سانڳے ݙو پولنگ بوتھ بݨائے ویسن کوئی وی امیدوار رائے شماری توں پہلے تحریری طور تے کاغذات نامزدگی واپس گھن سڳدے ،اسپیکر سانڳے ھک امیدوار ہووݨ دی صورت اچ پولنگ دی لوڑھ نہ ہوسی،اسپیکر منتخب تھیوݨ دے بعد عہدہ سنبھال گھنسن تے ڈپٹی اسپیکر دا انتخاب کرویسن ۔ مسلم لیگ (ن) سپیکر پنجاب اسمبلی سانڳے ملک محمد احمد خان دے کاغذات نامزدگی جݙاں جو سنی اتحاد کونسل سپیکر سانڳے احمد خان بھچر دے کاغذات سیکرٹری پنجاب اسمبلی عامر حبیب کوں جمع کروائن ۔ڈپٹی سپیکر سانڳے مسلم لیگ(ن) ملک ظہیر اقبال چنڑ اتے سنی اتحاد کونسل معین ریاض قریشی دے کاغذات جمع کروا ݙتن
