پی آئی اے 26 ملین ڈالر دی ادائیگی کر تے ملائیشین کمپنی توں جہاز واپس ڳھن ڳھدن، ایئر مارشل (ر) فرحت حسین

اسلام آباد۔27فروری  (اے پی پی) نگران وزیراعظم دے مشیر برائے ہوا بازی ایئر مارشل (ر) فرحت حسین آکھیا جو ملائیشیا دی کمپنی توں 2015 اچ لیز تے ڳھدے ڳئے ݙوہیں جہاز پی آئی اے 26 ملین ڈالر ݙے تے واپسی ڳھن ڳھدن۔ منگل کوں سینیٹ اجلاس اچ  سینٹر کامران مرتضی، سینٹر سیف اللہ ابڑو،سینیٹر رخسانہ زبیر اتے ٻئے ارکان دے سوالاں دے ولدے اچ نگران  وزیراعظم دے مشیر برائے ہوا بازی ایئر مارشل (ر) فرحت حسین ایوان کوں ݙسیا جو پی آئی اے 2015ء اچ ملائیشیا دی کمپنی توں چھی سال کیتے لیز تے ݙو مسافر طیارے ڳھدے ہن اتے ستمبر 2021 اچ کنٹریکٹ دی مد مُکݨ تے اے ݙو طیارے واپسی جکارتہ ٻھجوائے ہن۔ پی آئی اے 26 ملین ڈالر دی ادائیگی کر تے ملائیشین کمپنی توں  جہاز واپس ڳھن ڳھدن۔