سردار ایاز صادق 16 ویں قومی اسمبلی دےسپیکر منتخب، عہدے دا حلف چا ڳھدے

اسلام آباد۔1مارچ(اے پی پی)مسلم لیگ ن دے سردار ایاز صادق سپیکر قومی اسمبلی منتخب تھیوݨ دے بعد عہدے دا حلف چا ڳھدے۔ سپیکر و ڈپٹی سپیکر قومی اسمبلی چݨݨ کیتے اجلاس راجہ پرویز اشرف دی اڳواݨی اچ تھئے جیندے اچ 291 ووٹ پاتے ڳن۔ ن لیگ اتے اتحادی جماعتاں دے مشترکہ امیدوار سردار ایاز صادق 199 ووٹ ڳھدن ڄݙاں جو انہاں دے مدمقابل سنی اتحاد کونسل دے امیدوار عامر ڈوگر صرف 91 ووٹ ڳھدن۔ حلف چاوݨ توں بعد نو منتخب سپیکر قومی اسمبلی ایاز صادق پارلیمان دا ایوان زیریں سنبھال ڳھدے اتے قومی اسمبلی دے 22 ویں سپیکر راجہ پرویز اشرف اپݨے عہدے توں سبکدوش تھی گئن۔ قومی اسمبلی اچ سپیکر دا انتخاب خفیہ رائے شماری تے تھئے۔