سینیٹ دیاں خالی تھیوݨ آلیاں نشستاں تے ضمنی انتخاب 14 مارچ کوں تھیسی

اسلام آباد۔3مارچ(اے پی پی)سینیٹ دیاں خالی تھیوݨ آلیاں نشستاں تے ضمنی انتخاب کیتے پولنگ 14 مارچ کوں پارلیمنٹ ہائوس، سندھ اتے بلوچستان اسمبلیاں دی عمارتاں اچ 9 توں 4 وڄے تئیں تھیسی۔ الیکشن کمیشن دے شیڈول موجب سید یوسف رضا گیلانی، مولانا عبدالغفور حیدری قومی اسمبلی دے رکن ٻݨین۔ نثار کھوڑو، جام مہتاب حسین ڈاہر سندھ اسمبلی ڄݙاں جو سرفراز احمد بگٹی، پرنس احمد عمر زئی بلوچستان اسمبلی دے رکن منتخب تھین اتے انہاں دیاں خالی کیتاں ڳیاں نشستاں تے ضمنی انتخاب تھیسی جیندے کیتے کاغذات نامزدگی 2 اتے 3 مارچ کوں جمع کرائے ونڄ سڳسن، امیدواراں دی ابتدائی فہرست 3 مارچ، کاغذات دی جانچ پڑتال 5 مارچ کوں تھیسی ڄݙاں جو کاغذات نامزدگی منظور یا مسترد تھیوݨ دے خلاف اپیلاں 7 مارچ اتے انہاں تے ٹربیونل دے فیصلے 9 مارچ کوں جاری کیتے ویسن اتے کاغذات 10 مارچ کوں ولا ڳھدے ونڄ سڳدن۔