شہباز شریف 201 ووٹ ڳھن تے وزیراعظم منتخب

اسلام آباد۔3مارچ(اے پی پی):پاکستان مسلم لیگ (ن) اتے اتحادی جماعتاں دے امیدوار محمد شہباز شریف 201 ووٹ ڳھن تے قائد ایوان اتے وزیراعظم اسلامی جمہوریہ پاکستان منتخب تھی ڳن۔ آݙت کوں قومی اسمبلی اچ سپیکر سردار ایاز صادق دی اڳواݨی اچ تھیوݨ آلے اجلاس اچ ڈویژن دی بنیاد تے وزیراعظم دا چݨاٗو تھئے۔ ارکان ووٹ پاتن جیندے بعد ڳݨتری اچ مسلم لیگ (ن) اتے اتحادی جماعتاں دے امیدوار شہباز شریف 201 ڄݙاں جو سنی اتحاد کونسل دے امیدوار عمر ایوب خان 92 ووٹ ڳھدن۔ بلوچستان نیشنل پارٹی دے سربراہ اختر مینگل ووٹنگ اچ حصہ نئیں ڳھدا۔ جمعیت علماء اسلام پاکستان دے اراکین اجلاس اچ شرکت نئیں کیتی۔