سینیٹ اجلاس، غزہ دا محاصرہ فوری مکاوݨ، مسلمان ملکاں دی امداد پچاوݨ بارے قرارداد متفقہ منظور

اسلام آباد۔4مارچ(اے پی پی)ایوان بالا ہک قرارداد متفقہ طور تے منظور کیتی اے جیندے اچ عالمی برادری کوں آکھیا ڳئے جو او غزہ دے محاصرے کوں فوری مکاوݨ اتے مسلمان ممالک دی امداد پچاوݨ کیتے مکمل رسائی دی اجازت دے اقدامات کرے۔ اجلاس اچ سینیٹر انجینئر رخسانہ زبیری اتے بنھاں قرارداد اچ آکھیے جو اے ایوان اسرائیلی فوج ولوں معصوم اتے نہتے فلسطینیاں ڄیڑھے امداد (اشیاء خوراک، ادویات وغیرہ) کیتے کٹھے ہن، دی وحشیانہ قتل و غارت تے چنتا کریندے، بین الاقوامی برادری دی فلسطین کیتے امداد دی اسرائیلی فوج ولوں بندش نال فلسطینی ٻکھے مردے پن، عالمی برادری غزہ دا محاصرہ فوری مکاوݨ اتے عالمی امداد دی پڄ سانڳے ہنگامی اقدامات کرے۔ سینیٹرز فیصل جاوید، پلوشہ خان، افنان ﷲ، عون عباس بپی، خالدہ اطیب، مشتاق احمد، نصیب اﷲ بازئی، سیمی ایزدی، تاج حیدر، دنیش کمار، وقار مہدی، روبیہ خالد، کامل علی آغا اتے سیف اﷲ ابڑو قرارداد تے الائے۔ بعد اچ ڈپٹی چیئرمین سینیٹ مرزا محمد آفریدی قرارداد منظوری کیتے ایوان اچ پیش کیتی جیندی ایوان منظوری ݙے ݙتی۔