پنجاب دی 18 رکنی کابینہ حلف چا ڳھدے

لاہور۔6مارچ(اے پی پی) پنجاب دی 18 رکنی کابینہ حلف چا ڳھدے۔ گورنر پنجاب بلیغ الرحمان صوبائی وزراء توں حلف ڳھدے ایں سانڳے تقریب گورنر ہائوس لاہور اچ تھئی۔ حلف چاوݨ آلیاں اچ مریم اورنگزیب، عظمیٰ بخاری، عاشق حسین شاہ، کاظم پیرزادہ، رانا سکندر حیات، ذیشان رفیق، بلال اکبر، صہیب احمد ملک، رمیش سنگھ اروڑہ، فیصل ایوب، شافع حسین، سہیل شوکت شامل ہین۔ نویں کابینہ اچ پرانی کابینہ دے وزرا خواجہ عمران نذیر، خواجہ سلمان رفیق، بلال یاسین، خلیل طاہر سندھو، مجتبیٰ شجاع الرحمان وی شامل ہین۔ مریم اورنگزیب سینئر صوبائی وزیر دا حلف چاتے۔ وزیراعلیٰ مریم نواز نویں وزرا کوں مبارک ݙیندے نیک خواہشات پچائن اتے امید کیتی جو کابینہ ارکان عوامی امنگاں کوں پورا کریسن۔