وزیراعظم دا دورہ پشاور، خیبرپختونخوا اچ اڄوکیاں بارشاں اتے برفباری نال متاثرین کوں امدادی چیک ونݙین

پشاور۔06 مارچ(اے پی پی)وزیراعظم محمد شہباز شریف دورہ پشاور اچ خیبرپختونخوا دے ضم شدہ ضلعیاں اتے مختلف علاقیاں اچ اڄوکیاں طوفانی بارشاں اتے برفباری دے متاثرین جیویں فوت تھیوݨ آلیاں دے ورثا کوں 20 لکھ اتے زخمیاں کیتے 5، 5 لکھ روپے دے امدادی چیک ونݙین۔ تقریب اچ گورنر خیبر پختونخوا حاجی غلام علی، اراکین قومی اسمبلی خواجہ محمد آصف، انجینئر امیر مقام، سردار محمد یوسف، مرتضیٰ جاوید عباسی، عطاء اللہ تارڑ، مسلم لیگ ن دے رہنما اسحاق ڈار، سابق گورنر کے پی، انجینئر اقبال ظفر جھگڑا اتے ٻئے موجود ہبن۔ چیئرمین این ڈی ایم اے لیفٹیننٹ جنرل انعام حیدر ملک ،آئی جی پی کے پی کے اختر حیات گنڈا پور،اراکین صوبائی اسمبلی اتے بارشاں اچ فوت تھیوݨ آلیاں دے لواحقین وی تقریب اچ موجود ہن۔ وزیراعظم مکمل اتے جزوی تباہ تھیوݨ آلے مکاناں دا تخمینہ مکمل کر تے امداد 11 مارچ تئیں پچاوݨ دی ہدایت کیتی جو متاثرین دا پورا ہتھ ونݙایا ونڄے۔ محمد شہباز شریف اعلان کیتے جو خیبرپختونخوا اچ ہر تباہ شدہ گھر دی تعمیر نو/مرمت کیتے 7 لکھ روپے اتے جزوی تباہ گھر کیتے 3 لکھ روپے ݙتے ویسن۔ وزیراعظم آکھیا جو ایں اوکھے ویلھے وفاقی حکومت سارے ضروری وسائل استعمال کریسی، این ڈی ایم اے سودھا وفاقی حکومت دے ادارے خیبر پختونخوا دے متاثرین دی ہر ممکن بحالی و مدد کریسن، ویلھا آڳئے جو موسمیاتی تبدیلیاں دا مقابلہ کرݨ کیتے جامع حکمت عملی ٻݨائی ونڄے۔ وزیراعظم بارش نال متاثرہ لوکاں اتے ٻالاں نال وی ملین اتے انہاں دے مسائل سݨین۔