وزیراعظم محمد شہبازشریف دی صدارت اجلاس، نجکاری دے عمل اچ پیش رفت دی رپورٹ منڳ ڳھدی

اسلام آباد۔7مارچ  (اے پی پی) وزیراعظم محمد شہبازشریف نجکاری دے عمل اچ آوݨ آلی رکاوٹاں کوں جلدی توں جلدی دور کرݨ اتے اینکوں برق رفتار ٻݨاوݨ، ویلھے دے تعین نال اقدمات اتے اہداف دی تفصیل پیش کرݨ اتے کابینہ ٻݨاوݨ دے نال ای پرائیویٹائزیشن بارے زیرالتوا حل طلب مسائل پیش کرݨ دی ہدایت کیتی اتے نجکاری دے عمل اچ شامل سارے اداریاں کوں مکمل فہرست اتے پیش رفت دی رپورٹ منڳ ڳھدی اے۔ خمیس کوں وزیراعظم آفس دے میڈیا ونگ توں جاری بیان موجب وزیراعظم محمد شہبازشریف ہدایت کیتی جو نجکاری دا عمل تکھا کیتا ونڄے تانجو معیشت دی بحالی اتے عوام کوں ریلیف دا عمل تیز تھیوے۔  وزیراعظم نجکاری دے عمل اچ شامل سارے اداریاں دی فہرست اتے پیش رفت دی رپورٹ پیش کریندیں ہوئیں ہدایت کیتی جو ویلھے دے نشابر تعین دے نال اقدامات اتے اہداف دی تفصیل پیش کیتی ونڄے۔  وزیراعظم ہاؤس اچ نجکاری بارے تھیوݨ آلے اعلیٰ سطحی اجلاس اچ وزیراعظم شہبازشریف نجکاری کمیشن اتے وزارت نجکاری کوں ہدایت کیتی جو کابینہ دی تشکیل دے نال ای پرائیویٹائزیشن بارے زیرالتوا حل طلب مسائل پیش کیتے ونڄن تانجو کابینہ انہاں تے فیصلہ کرے اتے اے معاملہ حل تھیوے۔ اجلاس اچ سینیٹر اسحاق ڈار، ،مصدق ملک،شیزہ فاطمہ خواجہ، رومینہ خورشید عالم، احد چیمہ، علی پرویز ملک ، رانا احسان افضل ، ڈپٹی چئیرمین پلاننگ کمیشن ڈاکٹر جہانزیب، گورنرسٹیٹ بینک، چئیرمین ایف بی آر، سیکرٹری نجکاری ، سیکرٹری قانون سودھے اعلیٰ حکام شریک تھئے۔ ممتازبینکارمحمد اورنگزیب وڈیو لنک توں اجلاس اچ شریک تھیے۔