سینیٹ انتخابات کراوݨ کیتے الیکشن کمیشن دی تیاریاں مکمل ،پولنگ 2 اپریل کوں تھیسی

اسلام آباد۔11مارچ (اے پی پی) سینیٹ انتخابات کراوݨ کیتے الیکشن کمیشن دی تیاریاں مکمل کر ڳحدن۔ پولنگ ݙو اپریل کوں تھیسی۔ 2018 اچ منتخب تھیوݨ آلے 52 سینیٹرز آپݨی چھی سال دی مد پوری تھیوݨ دے بعد 12 مارچ کوں ریٹائرڈ تھی ویسن جڈانجو فاٹا توں منتخب چار ارکان سینیٹ ولوں خالی تھیوݨ آلی ڄاہ تے سینیٹ دا انتخاب کائنا تھیسی ایں کیتے 48 نشستاں تے سینیٹ دا انتخاب تھیسی۔ سنوار کوں الیکشن کمیشن توں جاری بیان موجب انہاں نشستاں اچ 29 جنرل نشستاں، 8 تریمتیں کیتے مختص نشستاں، 9 علماء /ٹیکنو کریٹ کیتے نشستاں اتے ݙو غیر مسلماں کیتے نشستاں شامل ہن۔ انہاں نشستاں اچ پنجاٻ اچ ست، ݙو تریمتیں کیتے مخصوص نشستاں، 2 علماء /ٹیکنو کریٹ کیتے نشتساں اتے ہک غیر مسلم کیتے نشست شامل اے۔ سندھ اچ ست جنرل نشستاں، ݙو تریمتیں کیتے مخصوص نشستاں، 2 علماء /ٹیکنو کریٹ کیتے نشتساں شامل ہن۔ وفاقی دارالحکومت اچ ہک جنرل نشست اتے ہک علماء /ٹیکنو کریٹ دی نشست شامل اے۔ الیکشن کمیشن توں انتخابی شیڈول 14 مارچ کوں جاری کیتا ویسی اتے ایں بارے کاغذات اڄ سنوار توں الیکشن کمیشن سیکرٹریٹ اتے صوبائی الیکشن کمشنز پنجاب ، سندھ ، خیبرپختونخوا اتے بلوچستان دے دفتراں توں ڳھدے ونڄ سڳدن۔