آئی ایم ایف نال ݙوجھے جائزے دے مذاکرات 14 توں 18 مارچ کوں تھیسن ،وزارت خزانہ

اسلام آباد۔13مارچ (اے پی پی):پاکستان اتے بین الاقوامی مالیاتی فنڈ(آئی ایم ایف) وچال سٹینڈبائی معاہدے دے تحت ݙوجھے جائزے دے مذاکرات 14 توں 18 مارچ تئیں تھیسن ۔وزارت خزانہ دی طرفوں جاری تفصیل موجب پاکستان ݙوجھے جائزہ دی کامیاب تکمیل سانڳے سارے ڈھانچہ جاتی اہداف، معیاری کارگردگی طریقہ کار تے ٻئے اہداف مکمل کرڳھدن ۔ سٹینڈبائی معاہدے دے تحت اے آخری جائزہ ہوسی جیں دے بعد پاکستان اتے آئی ایم ایف وچال سٹاف سطح دامعاہدہ تھیسی، سٹاف سطح دے معاہدے دے بعد آئی ایم ایف دے ایگزیکٹوبورڈ دی منظوری توں پاکستان سانڳے 1.1 ارب ڈالردی نویں قسط جاری تھیسی ۔