صوبہ پنجاب اچ سینیٹ دی 12نشستاں تے انتخاب سانڳے ریٹرننگ افسر پبلک نوٹس جاری کرݙتا ،ترجمان

لاہور۔14مارچ (اے پی پی):صوبائی الیکشن کمشنر پنجاب اعجاز انور چوہان بطور ریٹرننگ افسر سینیٹ انتخاب سانڳے پبلک نوٹس جاری کرݙتا۔ ترجمان موجب صوبائی الیکشن کمشنر پنجاب اعجاز انور چوہان صوبہ پنجاب توں سینیٹ ارکان دی بارہ (12) نشستاں تے انتخاب سانڳے بطور ریٹرننگ افسر فرائض سر نجام ݙیسن ۔ صوبہ پنجاب اچ سینیٹ ارکان دی 7جنرل، 2 تریمت ، 2ٹیکنوکریٹ و علما اتے ھک غیر مسلم دی نشست تے انتخاب منعقد کیتا ویسی ۔ امیدواران 15اتے 16مارچ2024کوں کاغذات نامزدگی دفتر صوبائی الیکشن کمشنر پنجاب، لاہور اچ جمع کروا سڳسن جݙاں جو کاغذات نامزدگی دی سکروٹنی 19مارچ 2024تئیں مکمل کیتی ویسی ۔ 21مارچ 2024تئیں کاغذات نامزدگی منظور یا مسترد تھیوݨ دے خلاف اپیلاں دائر کیتیاں ویسن ۔25مارچ 2024 تئیں ٹربیونل دی طرفوں اپیلاں تے فیصلے سݨائے ویسن 2اپریل 2024کوں پنجاب اسمبلی ہال لاہوراچ سویلے 9 وڄے توں شام 4وڄے تئیں پولنگ دا انعقاد کیتا ویسی۔