اسلام آباد۔14مارچ (اے پی پی) وفاقی سیکرٹری ہوا بازی سیف انجم نال پاکستان اچ ایتھوپیا دے سفیر جمال بیکر عبد اللہ ملاقات کیتی تے ایوی ایشن سیکٹر اچ پاکستان دے نال مستقبل اچ تعاون دے ممکنہ شعبیں تے ڳالھ مہاڑ کیتی ۔ ایتھوپیا دے سفارتخانہ توں خمیس کوں جاری بیان موجب ملاقات دے دوران ݙوہیں پاسوں ہوا بازی دے شعبہ اچ علم دے تبادلے اتے ٹیکنالوجی دی منتقلی سانڳے ݙو …
وفاقی سیکرٹری ہوا بازی سیف انجم نال ایتھوپیا دے سفیر جمال بیکر عبد اللہ دی ملاقات
اسلام آباد۔14مارچ (اے پی پی) وفاقی سیکرٹری ہوا بازی سیف انجم نال پاکستان اچ ایتھوپیا دے سفیر جمال بیکر عبد اللہ ملاقات کیتی تے ایوی ایشن سیکٹر اچ پاکستان دے نال مستقبل اچ تعاون دے ممکنہ شعبیں تے ڳالھ مہاڑ کیتی ۔ ایتھوپیا دے سفارتخانہ توں خمیس کوں جاری بیان موجب ملاقات دے دوران ݙوہیں پاسوں ہوا بازی دے شعبہ اچ علم دے تبادلے اتے ٹیکنالوجی دی منتقلی سانڳے ݙو طرفہ تعاون سودھے سانجھی دلچسپی دے امور تے تفصیلی ڳالھ مہاڑ کیتی ۔ ایں موقع تے سفیر جمال بیکر عبد اللہ کراچی اچ ایتھوپیئن ایئرلائنز دے آپریشنز دے آغاز تے حکومت پاکستان دی طرفوں ݙتی ونڄݨ آلی سہولت تے اظہار تشکر کیتے۔ سفیر جمال بیکر عبد اللہ سیکرٹری ہوا بازی کوں ایتھوپیا دی ائیر لائنز دی طرفوں پاکستان دی ”لک افریقہ اتے انگیج افریقہ“ پالیسیاں دے موثر نفاذ اچ اہم کردار بارے ݙسایا جنھاں دا مقصد پاکستان اتے افریقی ملکاں وچال تجارتی تعلقات دے نال نال حکومتی، عوام نال عوام اتے کاروبار وچال تعلقات کوں تکڑا بݨاوݨ اے ۔
