اسلام آباد۔14مارچ (اے پی پی):صدر مملکت آصف علی زرداری پاکستان دا ول صدر منتخب تھیوݨ تے چین دے صدر شی جن پنگ دی طرفوں مبارخ ݙیوݨ تے انہاں توں اظہار تشکر کریندے ہوئیں آکھیے جو چین نال سدابہار شراکت داری مضبوط بݨاوݨ سانڳے پرعزم ہیسے، پاکستان تے چین دی تکڑی یاری علاقائی امن، استحکام اتے ترقی سانڳے کلید دی حیثیت رکھیندی اے ۔ ایوانِ صدر دے پریس ونگ توں جاری …
پاکستان چین دوستی علاقائی امن، استحکام اتے ترقی سانڳے کلیدی حیثیت رکھیندی اے، صدر مملکت آصف علی زرداری دا چین دے صدر شی جن پنگ کوں خط
اسلام آباد۔14مارچ (اے پی پی):صدر مملکت آصف علی زرداری پاکستان دا ول صدر منتخب تھیوݨ تے چین دے صدر شی جن پنگ دی طرفوں مبارخ ݙیوݨ تے انہاں توں اظہار تشکر کریندے ہوئیں آکھیے جو چین نال سدابہار شراکت داری مضبوط بݨاوݨ سانڳے پرعزم ہیسے، پاکستان تے چین دی تکڑی یاری علاقائی امن، استحکام اتے ترقی سانڳے کلید دی حیثیت رکھیندی اے ۔ ایوانِ صدر دے پریس ونگ توں جاری بیان موجب چینی صدر دی طرفوں تہنیتی پیغام تے صدر مملکت ھک خط اچ انہاں دا شکریہ ادا کیتے ۔ صدر مملکت صدر شی جن پنگ دے خط دا جواب ݙیندے ہوئیں سانجھے عملی تعاون کوں ودھاوݨ ، سدا بہار شراکت داری کوں تکڑا تے ݙوہیں ملکاں دے مفاد سانڳے مشترکہ کمیونٹی کوں ودھارا ݙیوݨ سانڳے چینی صدر نال رل تے کم کرݨ دے عزم دا اظہار کیتے ۔ صدر آصف علی زرداری آکھیے پاکستان اتے چین محض پڑوسی کائنی بلکہ تکڑے بھرا ہن ، ݙوہیں ملکاں پاک۔چین اقتصادی راہداری ( سی پیک )سودھے ݙو پاسے تعاون دے مختلف شعبیں اچ چنڳی پیش رفت کیتی اے ۔
