اسلام آباد۔16مارچ (اے پی پی):وفاقی وزیر داخلہ و انسداد منشیات محسن نقوی شمالی وزیرستان دے علاقے میر علی اچ سکیورٹی چیک پوسٹ تے دہشتگرداں دے حملے دی شدید مذمت کریندے ہوئیں حملے اچ شہید تھیوݨ آلے لیفٹیننٹ کرنل سید کاشف علی، کیپٹن محمد احمد بدر سودھے 7 جواناں دی بہادری کوں خراج عقیدت پیش کیتے ۔ وزارت داخلہ توں جاری بیان اچ محسن نقوی دہشت گرداں دے حملے اچ پاک …
وفاقی وزیر داخلہ و انسداد منشیات محسن نقوی دی شمالی وزیرستان دے علاقے میر علی اچ سکیورٹی چیک پوسٹ تے دہشتگرداں دے حملے دی شدید مذمت
اسلام آباد۔16مارچ (اے پی پی):وفاقی وزیر داخلہ و انسداد منشیات محسن نقوی شمالی وزیرستان دے علاقے میر علی اچ سکیورٹی چیک پوسٹ تے دہشتگرداں دے حملے دی شدید مذمت کریندے ہوئیں حملے اچ شہید تھیوݨ آلے لیفٹیننٹ کرنل سید کاشف علی، کیپٹن محمد احمد بدر سودھے 7 جواناں دی بہادری کوں خراج عقیدت پیش کیتے ۔ وزارت داخلہ توں جاری بیان اچ محسن نقوی دہشت گرداں دے حملے اچ پاک فوج دے بہادر سپوتاں دی شہادت تے ݙکھ تے افسوس کیتے ۔ انہاں آکھیے پاک فوج دے بہادر سپوتاں جرات نال دہشت گرداں دے مذموم عزائم کوں ناکام بݨائے۔ انہاں مزید آکھیے وطن عزیز دے امن سانڳے آپݨی جان نچھاور کرݨ آلے پاک فوج دے شہدا کوں خراج عقیدت پیش کریندوں ۔ وزیر داخلہ آکھیے دہشت گردی دے خلاف جنگ اچ پوری قوم متحد اے اتے مسلح افواج دے رلے کھڑی اے ،شہداء ساݙا فخر ہن انہاں دیاں لازوال قربانیاں کوں سلام پیش کریندوں ۔ محسن نقوی آکھیے جو ساݙیاں ہمدردیاں شہداء دے خانداناں دے نال ہن، ݙکھ دی ایں گھڑی اچ شہداء دے لواحقین دے رلے کھڑوں۔
