راولپنڈی۔16مارچ (اے پی پی):آرمی چیف جنرل سید عاصم منیرنال بحرین دی نیشنل گارڈ دے کمانڈر جنرل شیخ محمد بن عیسیٰ بن سلمان الخلیفہ ملاقات کیتی اے ۔ پاک فوج دے شعبہ تعلقات عامہ ( آئی ایس پی آر) توں جاری پریس ریلیز موجب ہفتے کوں جی ایچ کیو اچ تھیوݨ آلی ملاقات اچ ݙوطرفہ فوجی تعاون کوں تکڑا بݨاوݨ تے توجہ ݙتی ڳئی ۔ ݙوہیں رہنماواں علاقائی سلامتی دی حرکیات، …
آرمی چیف جنرل سید عاصم منیر نال بحرین دے کمانڈر نیشنل گارڈ دی ملاقات
راولپنڈی۔16مارچ (اے پی پی):آرمی چیف جنرل سید عاصم منیرنال بحرین دی نیشنل گارڈ دے کمانڈر جنرل شیخ محمد بن عیسیٰ بن سلمان الخلیفہ ملاقات کیتی اے ۔ پاک فوج دے شعبہ تعلقات عامہ ( آئی ایس پی آر) توں جاری پریس ریلیز موجب ہفتے کوں جی ایچ کیو اچ تھیوݨ آلی ملاقات اچ ݙوطرفہ فوجی تعاون کوں تکڑا بݨاوݨ تے توجہ ݙتی ڳئی ۔ ݙوہیں رہنماواں علاقائی سلامتی دی حرکیات، انسداد دہشت گردی دی کوششاں اتے تربیتی تبادلیں ساودھے سانجھی دلچسپی دے امور تے ڳالھ مہاڑ کیتی۔ ایں موقع تے آرمی چیف آکھیے پاکستان بحرین ںال آپݨے روایتی طور تے تکڑا دفاعی، سفارتی اتے اقتصادی تعلقات کوں قدر دی نگاہ نال ݙیکھدے ۔ انہاں بحرین نال فوجی تعلقات ودھاوݨ سانڳے پاکستان دے عزم دا اعادہ کیتے۔ آرمی چیف جنرل سید عاصم منیر مشترکہ سیکورٹی چیلنجاں نال نبݨݨ تے خطے اچ امن و استحکام کوں ودھارا ݙیوݨ اچ تعاون دی اہمیت تے زور ݙتا۔معزز مہمان دہشت گردی اتے انتہا پسندی دے خلاف جنگ اچ پاکستان دی کوششاں دی تعریف کیتی تے پاک فوج دی پیشہ ورانہ مہارت اتے لگن دا اعتراف کیتا۔انہاں دفاع اتے سلامتی دے شعبیں اچ پاکستان نال تعاون کوں ودھاوݨ سانڳے بحرین دے عزم دا اعادہ کیتا۔
