سکیورٹی فورسز دا شمالی وزیرستان اچ دہشت گرداں دی موجودگی دی اطلاع تےآپریشن ، انتہائی مطلوب دہشت گرد کمانڈر صحرا عرف جانان سودھے 8 دہشت گرد ماریے ڳئے، آئی ایس پی آر

راولپنڈی ۔18مارچ (اے پی پی) سکیورٹی فورسز دا شمالی وزیرستان اچ دہشت گرداں دی موجودگی دی اطلاع تےآپریشن ، انتہائی مطلوب دہشت گردکمانڈر صحرا عرف جانان سودھے 8 دہشت گرد ماریے ڳئے۔ آئی ایس پی آر موجب شمالی وزیرستان اچ دہشتگرداں دی موجودگی دی اطلاع تے سکیورٹی فورسز آپریشن کیتا۔ اے آپریشن 17 اتے 18 مارچ دی وچلی رات کیتا ڳئیا جئیں اچ ݙوپاسہ فائرنگ دے تبادلے اچ اٹھ دہشت گرد ہلاک تھی ڳئے۔ ہلاک تھیوݨ آلے دہشت گرداں اچ ہائی ویلیو ٹارگٹ دہشتگرد کمانڈر صحرا عرف جانان وی شامل اے۔ دہشتگرد صحرا عرف جانان 16 مارچ کوں میرعلی اچ سکیورٹی فورسز دی پوسٹ تے حملے اچ ملوث ہئی اتے دہشتگرد کمانڈر قانون نافذ کرݨ آلے اداریاں کوں مطلوب ہئی۔