اسلام آباد۔22مارچ (اے پی پی) اسپیکر قومی اسمبلی سردار ایاز صادق نال یو اے ای دے سفیر حماد عبید ابراہیم سالم الزابی جمعے کوں ملاقات کیتی جئیں اچ ݙوپاسہ تعلقات اتے آپسی دلچسپی دے معاملیاں تے ڳالھ کیتی ڳئی۔ اماراتی سفیر اسپیکر قومی اسمبلی سردار ایاز صادق کوں اسپیکر دا منصب سنبھالݨ تے مبارخ ݙتی۔ اسپیکر اماراتی سفیر دا شکریہ ادا کریندیں ہوئیں آکھیا جو پاکستان متحدہ عرب امارات نال آپݨے تعلقات کوں قدر نال ݙیکھدے۔ عرب امارات نال سارے شعبیاں اچ تعاون کوں ودھاوݨ چاہندوں۔ اسپیکر قومی اسمبلی یو اے ای دی اسپیکر آف پارلیمنٹ کوں پاکستان دے دورہ دی دعوت ݙتی۔
