برسلز۔22مارچ (اے پی پی) وزیر خارجہ محمد اسحاق ڈار آکھیا جو بیلجیم اتے بین الاقوامی ایٹمی توانائی ایجنسی (آئی اے ای اے ) دی میزبانی اچ برسلز اچ تھیوݨ آلے پہلے نیوکلیئر سمٹ اچ پاکستان دی بھرپور نمائندگی کیتی۔ سربراہ اجلاس وچال ترکیہ دے وزیر خارجہ، متحدہ عرب امارات دے توانائی اتے انفراسٹرکچر دے وزیردے علاوہ چین دے نائب وزیراعظم نال مثبت ملاقاتاں تھین۔ برسلز اچ تھیوݨ آلے جوہری توانائی سربراہی اجلاس اتے دورہ برسلز بارے ہک ویڈیو سنیھے اچ انہاں آخھیا جو نیوکلیئر سمٹ دے موقع تے بین الاقوامی ایٹمی توانائی ادارے دے ڈائریکٹر جنرل اتے آذر بائیجان دے وزیر خارجہ نال وی ملاقات تھئی اے۔ وزیر خارجہ محمد اسحاق ڈار آکھیا جو گزریل دور حکومت اچ مشترکہ وزارتی اجلاس دے موقع تے آذربائیجان دے صدر اتے ٻئے حکومتی عہدیداراں نال ملاقاتاں تھئی ہن جئیں اچ آپسی دوستی اتے حمایت دا اعادہ کیتا ڳئیا۔ انہاں آکھیا جو کثیر الجہتی اداریاں کوں ترقی پذیر ملکاں اچ جوہری توانائی دے شعبہ دی فنانسنگ تے غور کرݨا چاہیدے۔
