اسلام آباد۔22مارچ(اے پی پی)وفاقی وزیر اطلاعات و نشریات عطاءاللہ تارڑ دی ڈیرہ اسماعیل خان اچ سیکورٹی فورسز دے قافلے تے خودکش حملے دی مذمت کیتی اے اتے انہاں پاک فوج دے جواناں صوبیدار یاسر شکیل اتے سپاہی طاہر نواز دی شہادت تے افسوس کیتے۔ انہاں آکھیے جو دہشتگرد ملک دے امن و استحکام دے دشمن ہین، اینڄھیاں بزدلانہ کارروائیاں ساݙے حوصلے حیݨے نئیں کر سڳدے، ملکی سلامتی کوں نقصان پچاوݨ دی کہیں کوشش نال تکڑا نمٹیا ویسی، پوری قوم دہشت گردی دے خلاف جنگ اچ سیکورٹی فورسز دے نال کھڑی اے۔
