اسلام آباد۔22مارچ(اے پی پی):الیکشن کمیشن قومی اسمبلی دے حلقہ این اے۔154 لودھراں I توں ولا ڳݨتری اچ مسلم لیگ (ن) دے امیدوار عبدالرحمن خان کانجو دی کامیابی دا نوٹیفکیشن جاری کر ݙتے۔ نوٹیفکیشن دے مطابق ایں حلقے اچ ووٹاں دی ولا ڳݨتری دے بعد مسلم لیگ (ن) دے امیدوار عبدالرحمن خان کانجو ہک لکھ 27 ہزار 984 ووٹ ڳھن تے کامیاب تھین اتے آزاد امیدوار رانا محمد فراز نون ہک لکھ 20 ہزار 683 ووٹ حاصل نال ݙوڄھے نمبر تے رہین۔
