اسلام آباد۔22مارچ(اے پی پی)وفاقی وزیر خزانہ و محصولات محمد اورنگزیب آکھیے جو پاکستان ایں سال 300 ملین ڈالر دے پانڈا بانڈز جاری کریسی، پانڈا بانڈز نال 300 ملین ڈالر دی چینی سرمایہ کاری اچ مدد ملسی۔ امریکی مالیاتی ونشریاتی ادارہ بلوم برگ کوں انٹرویو اچ انہاں آکھیا جو چینی کرنسی آلے پانڈا بانڈز نال پاکستان اپݨے فنڈنگ ذرائع ودھاوݨ سودھا سرمایہ کاری دیاں نویاں منڈیاں تئیں رسائی دی کوشش اچ اے جو چین ڄڳ اچ بانڈز بارے ݙوڄھی وݙی منڈی اے، ایںا قدام نال ملکی معیشت سدھرسی، ابتدائی طور تے 250 توں 300 ملین ڈالرمالیت تئیں دے بانڈز ویچݨ لو پیش کیتے ویسن جیندے بعد ٻئے بانڈز جاری کیتے ویسن۔ محمد اورنگزیب آکھیے جو حسابات جاریہ دے کھاتیاں دی صورتحال تکڑی اے، حکومت مقررہ ویلھے تے قرضے ولا ݙیسی اتے ایندے نال کرنسی تے کوئی دبائو نہ آسی، امید اے جو روپے دی قدر وی تکڑی تھیسی، پاکستان ڳھٹ توں ڳھٹ 3 سال کیتے بین الاقوامی مالیاتی فنڈ نال ہک ٻیا پروگرام ٹریسی جیندے تے آئی ایم ایف دے موسم بہار دے اجلاس اچ ڳالھ مہاڑ تھیسی۔
