اسلام آباد۔22مارچ(اے پی پی):وزیراعظم شہباز شریف وفاقی کابینہ دی قانون سازی دے معاملات نال نمٹݨ کیتے کمیٹی ٻݨا ݙتی اے۔ کابینہ ڈویژن دے نوٹیفکیشن دے مطابق کابینہ کمیٹی دا ناں”کابینہ کمیٹی برائے تشخیصِ معاملاتِ قانون سازی (سی سی ایل سی) ہوسی۔ کمیٹی نویں قوانین، قواعد و موجودہ قوانین، جائزہ اتے سفارشات، قانوانی ترامیم اچ آئینی سکیم دی موجودگی، پارلیمنت دے اختیار تے صلاح توں بعد تجاویز ݙیسی۔ کمیٹی دے سربراہ وفاقی وزیر قانون و انصاف ہوسن۔ ارکان اچ وفاقی وزیر اطلاعات و نشریات، وفاقی وزیر اوورسیز پاکستانیز، وفاقی وزیر تجارت، وفاقی وزیر خزانہ، وفاقی وزیر صنعت و پیداوار، خصوصی دعوت تے اٹارنی جنرل، وفاقی سیکرٹری کابینہ ڈویژن، سیکرٹری قانون و انصاف ڈویژن اتے ایڈیشنل سیکرٹری وزیراعظم آفس ہوسن۔
