اسلام آباد۔22مارچ(اے پی پی)وزیرِ اعظم محمد شہباز شریف ترجیحی بنیاداں تے ملکی آئی ٹی برآمدات ودھاوݨ کیتے جامع لائحہ عمل ٻݨا تے ݙیوݨ دی ہدایت کریندے آکھیے جو آئی ٹی شعبے دی ترقی کیتے بین الاقوامی ماہرین دی معاونت ڳھدی ونڄے۔ او اسلام آباد اچ انفارمیشن ٹیکنالوجی اتےڈیجیٹائزیشن بارے جائزہ اجلاس دی اڳواݨی کریندے پئے ہن۔ اجلاس اچ آئی ٹی شعبے اچ خدمات ݙیوݨ آلے بین الاقوامی شہرت یافتہ ماہرین شرکت کیتی اتے مختلف تجویزاں ݙتن۔ اجلاس کوں بریفنگ ݙتی ڳئی جو انفارمیشن ٹیکنالوجی شعبے اچ اصلاحات اتے ڈیجیٹائزیشن کیتے منصوبہ ٻݨدا پئے جیندے نال عام لوکاں کوں انٹرنیٹ تئیں پڄ، ڈیجیٹل انفراسٹرکچر دی بہتری، ای-گورننس، نوجواناں اچ ڈیجیٹل سکلز دی پیشہ وارانہ تربیت، جدت اتے کاروبار دے ودھارے دے اقدامات تے توجہ ݙتی ویسی۔ اجلاس اچ وفاقی وزراء محمد جہانزیب، احسن اقبال، احد خان چیمہ، عطاءاللہ تارڑ، شزہ فاطمہ خواجہ، رانا مشہود خان، ڈپٹی چیئرمین پلاننگ کمیشن محمد جہانزیب خان اتے متعلقہ اعلیٰ حکام شرکت کیتی۔
