اسلام آباد۔23مارچ(اے پی پی) سپیکر قومی اسمبلی سردار ایاز صادق نال ترکیہ دے سفیر ڈاکٹر مہمت پکاسی ملین۔ انہاں ݙوطرفہ تعلقات، پارلیمانی سطح تے وفداں دے تبادلے، مختلف شعبیاں اچ تعلقات دے ودھارے تے الایا۔ انہاں علاقائی و عالمی مسلیاں خاص کر کشمیر اتے فلسطین سودھا ہکو ڄھیں دلچسپی دے معاملیاں تے وی الایا۔ ملاقات اچ ݙوہاں ملکاں وچال تجارت و سرمایہ کاری ودھاوݨ دے مواقع تے وی ڳالھ مہاڑ تھئی۔
