اسلام آباد۔23مارچ(اے پی پی):وفاقی وزیر اطلاعات و نشریات عطاءاللہ تارڑ آکھیے جو قائد اعظم محمد علی جناح دی اڳواݨی اچ مسلماناں قرارداد پاکستان کیتے وݙیاں قربانیاں ݙتن، اڄ دے ݙینھ اساں یوم قرارداد پاکستان منا تے ایں عظیم جدوجہد کوں سلام کریندے ہیں، ساکوں نئیں ٻھلݨا چاہیدا جو پاکستان ہک نعمت اے ڄیرھی اساں وݙے اوکھ نال ڳھدی اے، ساکوں اپݨے ملک کیتے کم کرݨ اتے ایکوں مثالی ملک ٻݨاوݨ کیتے اتحاد اتے ہکو ڄھیں کوشش ݙکھاوݨی ہوسی۔ یوم قرارداد پاکستان تے سنیہے اچ انہاں آکھیا جو قرارداد پاکستان ہک تاریخی دستاویز اے ڄیں پاکستان دی تحریک آزادی کوں نوی راہ ݙکھالی، ساکوں اپݨے ملک کوں مضبوط اتے ترقی یافتہ ٻݨاوݨ کیتے رل تے کردار ادا کرݨا ہوسی۔
