پاکستان دی تعمیر، ترقی و سلامتی کوں جان توں وی ودھ پیارا رکھسوں، صدر مملکت دا “یوم پاکستان” پریڈ نال خطاب

اسلام آباد۔23مارچ(اے پی پی):صدر مملکت آصف علی زرداری آکھیے جو یوم پاکستان تے عزم دوہریندے ہیں جو پاکستان دی تعمیر، ترقی و سلامتی کوں جان توں وی ودھ پیارا رکھسوں، اوکھ دے باوجود پاکستان دفاع، صنعت، زراعت، تعلیم، صحت و ٹیکنالوجی سودھا مختلف شعباں اچ ترقی کیتی اے، ملک کوں مسلیاں توں کݙھݨ اتے معاشی استحکام

کیتے ݙینھ رات کم کریسوں، ملکی خود مختاری تے اصلوں کوئی سمجھوتہ نا کیتا ویسی۔ اے ڳالھ انہاں اسلام اباد اچ یوم پاکستان دی پرید نال خطاب اچ آکھی۔ انہاں پریڈ دا معائنہ کیتے اتے مسلح افواج دے فضائی کمالات، پیشہ ورانہ مہارتاں اتے حربی صلاحیتاں ݙٹھین اتے انہاں دی تعریف کیتی۔

صدر مملکت دا آکھݨ ہا جو پاکستان دی بہادر مسلح افواج دفاع وطن کیتے ہر ویلھے تیار ہین۔ پریڈ دے مہمان خصوصی سعودی وزیر دفاع شہزادہ خالد بن سلمان بن عبدالعزیز السعود ہین۔ پریڈ اچ وزیراعظم محمد شہباز شریف، تریے سروسز چیف، غیر ملکی سفیراں، وفاقی کابینہ دے اراکین اتے سول و فوجی حکام شرکت کیتی۔ پاک فوج اتے پیرا ملٹری فورسز دے چاق وچوبند دستیاں مہماناں کوں سلامی ݙتی۔ آصف زرداری آکھیا جو پورا ڄڳ امن کرݨ اتے دہشتگردی دے خلاف ساݙیاں قربانیاں دل نال منیندے، ملک اچ ہک جمہوری حکومت آ چکی اے، اساں ملک کوں سنوارݨ کیتے ݙینھ رات ہک کر ݙیسوں، ساکوں قومی اتفاق رائے نال موثر حکمت عملی، دانشمندانہ انتظام، صوبیاں اتے وفاق وچال بہتر روابط ودھاوݨے ہوسن۔