اسلام آباد۔26مارچ (اے پی پی):سپیکر قومی اسمبلی سردار ایاز صادق اتے ڈپٹی سپیکر سید غلام مصطفیٰ شاہ نیول ایئر بیس پی این ایس صدیق تربت تے دہشتگرداں دے حملے دی مذمت کریندے ہوئیں شہید سپاہی نعمان فرید دی شہادت تے خراج عقیدت پیش کیتے ۔ آپݨے انڄ انڄ بیان اچ حملے کوں ناکام بݨاوݨ آلے سکیورٹی فورسز دے جواناں کوں خراج تحسین پیش کیتے جݙاں جو شہید سپاہی نعمان فرید دا دہشتگرداں دا بہاردی نال مقابلہ کرݨ تے خراج عقیدت پیش کریندے ہوئیں شہید دے اہلخانہ نال دلی ہمدردی اتے تعزیت کیتی اے ۔ سپیکر آکھیے جو مسلح افواج وختی کاروائی کرتے ایئر بیس کوں وݙے ضیان توں بچائے دہشتگردی دے خلاف جنگ اچ پوری قوم سکیورٹی فورسز دے رلے کھڑی اے۔
