اسلام آباد۔26مارچ (اے پی پی):وفاقی وزیرخزانہ ومحصولات محمد اورنگزیب آکھیے جو ملکی ترقی سانڳے براہ راست ٹیکساں اچ ودھارا تے برآمدات تےمبنی نموضروری اے، کلیدی ٹیکس گزاراتےبرآمدکنندگان ساݙے قومی ہیروز ہن۔ اے ڳالھ انہاں منڳل کوں اتھاں کلیدی ٹیکس گزاراں تے برآمدکنندگان کوں ایوارڈ ݙیوݨ دی تقریب توں خطاب اچ آکھی اے ۔ وزیراعظم محمدشہباز شریف ایں موقع تے مہمان خصوصی ہن جݙاں جو تقریب اچ وفاقی وزرا، کلیدی ٹیکس گزاراں و برآمدکنندگان تے سینئرحکام شرکت کیتی۔ وزیرخزانہ ایوارڈ گھنݨ آلے کلیدی ٹیکس گزارتےبرآمدکنندگان کوں مبارخ ݙتے تے آکھیے جو اے لوک قومی ہیروز اتے اساں کیتے مشعل راہ ہن۔ انہاں آکھیے کہیں وی ملک دی ترقی تے نمودا انحصار براہ راست ٹیکساں اتے برآمدات تے ہوندے ، پاکستان اچ براہ راست ٹیکساں تے برآمدات اچ ودھارے دے مسئلے کوں حل کرݨ ضروری تے ویلھے دا تقاضا اے ۔ وزیرخزانہ آکھیے جو ایف بی آر دی ری سٹرکچرنگ اتےاینڈٹواینڈ ڈیجیٹلائزیشن سانڳے اقدامات داسلسلہ جاری اے تاں جو ٹیکس چوری تےٹیکساں اچ رسائو دے عمل کوں روکیا ونڄ سڳدے ۔ انہاں اقدامات توں محصولات اچ ودھارا تھیسی ، ٹیکس دی بنیاد اچ وسعت آسی تے عوام دا ٹیکس دے نظام اتے ایف بی آر تے اعتماد ودھسی ۔
