اسلام آباد۔26مارچ(اے پی پی):وفاقی وزیر داخلہ محسن نقوی تربت نیول بیس تے دہشت گرداں دا حملہ ناکام بݨاوݨ تے سکیورٹی فورسز کوں خراج تحسین پیش کریندے ہوئیں آکھیے جو سکیورٹی فورسز وختی کاروائی کرتے ھک سانحہ توں بچائے۔ آپݨے بیان اچ وفاقی وزیر داخلہ محسن نقوی آکھیے جو سکیورٹی فورسز بہادری نال دہشتگرداں دے مذموم عزائم کوں مٹی اچ رلا ݙتے تے دہشتگرداں کوں جہنم واصل کیتے۔ اساکوں آپݨی سکیورٹی فورسز دے بہادر جواناں تے فخر اے۔وفاقی وزیر داخلہ شہید سپاہی نعمان فرید دی قربانی کوں خراج عقیدت پیش کیتے۔ انہاں آکھیے جو دہشتگردی دے خلاف جنگ اچ پوری قوم مسلح افواج دے رلے کھڑی اے ۔دہشتگردی دے ناسور کوں منڈھوں مکا تے دم گھنسوں ۔
