اسلام آباد۔26مارچ (اے پی پی):وزیر اعظم محمد شہباز شریف تربت نیول ائیر بیس تے دہشتگرداں دا حملہ ناکام بݨاوݨ تے سکیورٹی فورسز کوں خراج تحسین پیش کریندے ہوئیں آکھیے جو سکیورٹی فورسز دی وختی تے موثر کارروائی نال دہشتگرد جہنم واصل تھئن تے اساں ھک وݙے ضیان توں بچ ڳیوں۔ وزیراعظم میڈیا آفس توں جاری بیان موجب وزیراعظم آکھیے جو اساں دہشت گردی دےعفریت کوں کچلݨ سانڳے پرعزم ہیسے،پوری قوم اپݨی بہادر سکیورٹی فورسز نال کھڑی اے انہاں کوں سلام پیش کریندی اے ۔
