اسلام آباد۔26مارچ (اے پی پی) وفاقی وزیر داخلہ محسن نقوی شانگلہ اچ دہشت گرد حملے اچ چینی شہریاں دے جاں بحق تھیوݨ تے ݙکھ تے افسوس کیتے۔ او منگل کوں دھماکے دے بعد فوری بعد چینی سفارت خانے ڳئے۔ انہاں چین دے سفیر نال ملاقات کیتی جئیں اچ دھماکے دی تفصیل، ہلاکتاں اتے ریسکیو آپریشن بارے ݙسیا۔ انہاں آکھیا جو ݙکھ ویلھے پوری پاکستانی قوم آپݨے چینی بھراواں دے ݙکھ اچ شریک اے، واقعے دی تحقیقات کر تے ایندے اچ ملوث لوکاں نال نبڑیا ویسی۔ پاکستان اتے چین وچال تعلقات تے حملہ برداشت نئی، انہاں تعلقات کوں متاثر کائنا تھیوݨ ݙیسوں۔
