اسلام آباد۔26مارچ (اے پی پی) صدر مملکت آصف علی زرداری دی بشام اچ چینی باشندیاں تے حملے دی مذمت کریندیں ہوئیں حملے اچ چینی باشندیاں دی ہلاکت تے ݙکھ تے افسوس کیتے۔ ایوانِ صدر دے پریس ونگ توں منگل کوں جاری بیان موجب صدرمملکت حملے اچ جاں بحق تھیوݨ آلے چینی باشندیاں دے ٹبراں اتے چینی حکومت نال تعزیت کیتی۔ انہاں آکھیا جو پاکستان دشمن قوتاں پاک چین دوستی کوں نقصان پڄاوݨ اچ کݙاہیں کامیاب کائنا تھیسی۔
